Gisting
Matur & Drekka
Tiltøk
Børn & Ung
Støð
Upplivingar
-
VisitHomes Áargarður
GistingBed&Breakfast í Leirvík. Hugnaliga heimið hevur eina felags uppihaldsstovu, terrassu, garð og ókeypis wi-fi. Hvønn dag verður borðreitt við góðum continental morgunmati.
-
Báta- og Listasavnið
UpplivingarÍ mai 2000 læt Báta- og Listasavnið í Leirvík á fyrsta sinni upp fyri almeninginum. Talan er í stóran mun um lutir, ið Jórun og Osmund Justinussen hava savnað saman.
-
HoymaBit
TiltøkSo inniligt sum tað kann gerast. Konsertir í stovum hjá fólki. Heimagjørdur matur. Hugni í heimsflokki.
Visit Eysturland bjóðar ferðafólkum vælkomnum
Eysturkommuna hevur ment ein savnandi ferðavinnusamleika, hvørs endamál er at bjóða øll ferðavinnutilboð fram undir einum og sama flaggi.
Hetta, fyri at tað skal vera lættari hjá ferðafólki at finna runt í mongu tilboðunum, og eisini fyri at tað skal vera lættari hjá íbúgvunum í kommununi at bjóða sínar vørur og tænastur fram.
Eysturkommuna
Eysturkommuna varð stovnað tann 1. Januar 2009, tá Gøtu- og Leirvíkar kommunur løgdu saman í eina kommunu. Hóast unga aldurin hjá Eysturkommunu, so er søgan og mentanin ríkað við alskyns søgum, sagnum og fornminnum til nýggjari tónleik, skaldskap og upplivingar av ymiskum slag.
Søgan í Eysturkommunu er rík, og er møguleiki hjá ferðandi at vitjað ymisk søvn í kommununi. Ein vitjan í Blásastovu í Norðragøtu gevur innlit í liviumstøðurnar fyrr í tíðini, tá lívið var alt annað enn telduskíggar, sosialir miðlar og pitsa. Eisini spílar Báta- og Listasavnið í Leirvík seg út við føroyskum árabátum og málningalist av Leirvík. Søgan um Tróndur í Gøtu er óvikalig, og er m.a. møguleiki av vitja vaktartornið hjá Tróndi í Gøtu við Gøtugjógv og at síggja víkingaleivdir frá fornari tíð á Toftanesi í Leirvík.
Tónleikur er ein stórur partur av samleikanum hjá Eysturkommunu, har G! Festivalurin, Hoyma konsertirnar, og heimskenda Eivør Pálsdóttir ganga á odda. Kom og uppliv Gøtusand á hásumri, tá ljómin frá G! Festivalinum fyllir Syðrugøtu, ella vitja hugnaligu og inniligu HOYMA konsertinar, ið verða hildnar heima í stovunum hjá borgarum í Eysturkommunu.
Tað eru mong, ið eru náttúrumenniskju, og møguleikarnir at ferðast í náttúruni eru nógvir í Eysturkommunu. Uppliv sólarris á Gøtuvík og sólsetur norðuri í Djúpunum á Leirvíksfirði, ella ein gongutúr eftir gomlu bygdagøtuni millum Leirvík og Norðragøtu. Ein av Føroya vakrastu náttúruperlum er Gøtusandur, ið somuleiðis eisini er størsta spæliplássi í kommununi.
Eysturkommuna hevur eitt fjølbroytt handilslív við klædnahandlum, matvøruhandlum og øðrum smáhandlum. Eisini er møguleiki at gista við Gøtugjógv ella í Leirvík og fleiri møguleikar eru í kommununi at keypa sær ein betri bita ella ein kaffimunn.
Við alskyns møguleikum fyri upplivingum, ynskir Eysturkommuna øllum vitjandi hjartaliga vælkomnum til kommunua!