G! Festivalur

G! Festival er eitt beinleiðis úrslit av arbeiðinum fyri betri umstøðum hjá tónleikinum og tónleikarum í Føroyum. Aftaná at Tónleikasamtakið Grót í fleiri ár hevði skipað fyri uttandura konsertum, varð í 2002 tikið stig til at skipa fyri einum uttandura festivali á sandinum í Syðrugøtu. Umleið 6000 fólk vitja á hvørjum ári festivalin, sum hvørt ár verður hildin mitt í juli og varir í tríggjar dagar. Festivalurin í 2020 er tó avlýstur orsakað av koronu, men fyrireikingar eru longu í gongd til festivalin í 2021, ið verður feiraður sum 20. festivalurin. G! Festivalurin hevur síðan byrjanina vakt stóran ans í altjóða miðlum. M.a. hava The Guardian, BBC, New York Times og aðrir týðandi miðlar skrivað um festivalin, og tað hevur gjørt, at festivalurin er vorðin eitt týðandi partur av tí at branda Føroyar sum ferðamannaland í útheiminum. Í 2019 vitjaðu 500 útlendingar festivalin. Festivalurin hevur frá fyrsta degi arbeitt við einum sterkum blandi av tí besta vit hava at bjóða í Føroyum, føroyskum tónleiki úti í føroysku náttúruni saman við spennandi útlendskum nøvnum.

Les meira her

 

X